काठमाडौं । संघीय संसद्का सांसदहरूले आफ्नो सम्पत्ति विवरण बुझाउन सुरु गरेका छन् । संघीय संसद् सचिवालयका अनुसार हालसम्म १० जना भन्दा बढी सांसदहरूले सम्पत्ति विवरण बुझाएका छन् ।
सचिवालय अन्तर्गतको सांसद सुविधा शाखाले सूचना जारी गर्दै प्रतिनिधिसभाका सदस्यहरूलाई आगामी जेठ १० गतेभित्र अनिवार्य रूपमा आफ्नो सम्पत्ति विवरण बुझाउन निर्देशन दिएको छ ।
भ्रष्टाचार निवारण ऐन २०५९ तथा अख्तियार दुरुपयोग अनुसन्धान आयोग ऐन २०४८ अनुसार सार्वजनिक पद धारण गर्ने व्यक्तिले आफ्नो र आफ्नो परिवारको नाममा रहेको सम्पत्तिको विवरण स्रोतसहित पेश गर्नुपर्ने कानुनी व्यवस्था छ । यी ऐनहरूमा पद सम्हालेको मितिले ६० दिनभित्र सम्पत्ति विवरण अद्यावधिक गरी तोकिएको निकायसमक्ष बुझाउनुपर्ने प्रावधान रहेको छ ।
सोही कानुनी व्यवस्थालाई स्मरण गराउँदै सचिवालयले नवनिर्वाचित प्रतिनिधिसभा सदस्यहरूलाई समयमै विवरण पेश गर्न आग्रह गरेको हो ।
प्रतिक्रिया