सरकारले टुँडिखेलमा ‘स्क्रिनिङ’ गर्दैछ वास्तविक सुकुमवासी

काठमाडौं । सरकारले आज(शनिबार) बिहानबाट उपत्यकाका तीन स्थानका सुकुमवासी बस्ती खाली गराइरहेको छ ।

यसैबीच थापाथलीस्थित बागमती नदी आसपासका सुकुमवासीहरू सरकारको सम्पर्कमा जान थालेका छन् ।

दिउँसो १ बजेसम्म २२ परिवारका सदस्यहरू घरवारविहीन भएको भन्दै सम्पर्कमा आएका छन् । उनीहरू आफ्नो परिवारको विवरण सरकारी टोलीलाई उपलब्ध गराएका हुन् ।

सरकारी टोलीले अहिले त्रिपुरेश्वरस्थित दशरथ रंगशालामा सुकुमवासीहरूको विवरण संकलन गरिरहेको छ । विवरण संकलन गरिसकेपछि उनीहरूलाई कीर्तिपुरस्थित राधास्वामी आश्रममा लाने तयारी छ ।

अधिकार सम्पन्न बागमती सभ्यता एकीकृत विकास समिति गुहेश्वरीफाँट, काठमाडौं उपत्यका विकास प्राधिकरण अनामनगरले सुकुमवासीको विवरण जम्मा पारिरहेको छ ।

छुट्टाछुट्टै क्षेत्रका सुकुमवासीहरूका लागि फरक फरक डेस्क स्थापना गरेर सरकारले उनीहरूको ‘स्क्रिनिङ’ गरिरहेको हो ।