जेनजी आन्दोलनमा घाइते हुनेको संख्या २,६६० पुग्यो

काठमाडौँ । सरकारले जेनजी आन्दोलनका क्रममा घाइते भएकाहरुको सूची तयार गरेको छ । पछिल्लो पटक थप २२ जनाको नाम समावेश गर्दै जेनजी आन्दोलनमा घाइतेको सूचीकृत सम्पन्न गरेको स्वास्थ्य तथा जनसङ्ख्या मन्त्रालयले जनाएको छ ।

मन्त्रालयको मापदण्डअनुसार जेनजी आन्दोलनका क्रममा घाइतेको सङ्ख्या दुई हजार ६६० पुगेको स्वास्थ्य आपत्कालीन सञ्चालन केन्द्रका प्रमुख डा प्रकाश बुढाथोकीले जानकारी दिए ।

गत भदौ २३ र २४ गते भएको जेनजी आन्दोलनमा देशभरिका ९९ अस्पतालमा घाइतेको उपचार भएको थियो । जेनजी घाइतेहरूले अध्ययन गर्न कोटा, जागिर र उपचार पाउँछन् ।