सुकुम्बासीले गरे बुटवलमा प्रदर्शन

बुटवल । भूमिहीन सुकुमवासी तथा अव्यवस्थित बसोवासीले बुटवलमा प्रदर्शन गरेका छन् ।

नेपाल भूमिहीन सुकुमवासी तथा अव्यवस्थित बसोवासी संघर्ष समितिले बिना विकल्प बस्ती खाली गर्ने कार्य रोक्न माग गर्दै प्रदर्शन गरेको हो ।

सरकारले पहिला वास्तविक भूमिहीन तथा अव्यवस्थित बसोवासीको पहिचान गरेर विगतका सरकारको पालामा भूमि आयोगले व्यवस्था गरेअनुसार व्यवस्थापन गर्न र लालपुर्जा दिनुपर्ने माग गरिएको छ।

प्रदर्शनमा सहभागीहरुले प्रधानमन्त्री बालेनविरुद्ध चर्को नाराबाजी गरेका छन् ।

रुपन्देहीबाट मात्रै ८० हजार भन्दा बढीले विघटित भूमि समस्या समाधान आयोगमा निवेदन दिएको जनाइएको छ ।

रुपन्देहीमा मात्रै करिब एक लाख भूमिहीन दलित, भूमिहीन सुकुमवासी र अव्यवस्थित बसोवासी रहेको एक तथ्यांक छ ।