काठमाडौं, जेठ १७ । साफ महिला च्याम्पियनसिप अन्तर्गत आज हुने समूहचरणको खेलमा नेपाल र श्रीलंका भिड्दैछन् । भारतको गोवास्थित जवाहरलाल नेहरु स्टेडियममा हुने खेल नेपाली समय अनुसार बेलुकी ४:४५ बजे शुरु हुनेछ ।
आज नेपाल जित निकाल्दै समूह विजेताको रुपमा सेमिफाइनल पुग्ने लक्ष्यमा रहेको छ । समूह विजेता बन्न नेपाललाई बराबरी पर्याप्त रहेपनि नेपाल आज फराकिलो जितको खोजीमा हुनेछ । पहिलो खेलमा नेपालले भुटानमाथि १-० गोलको संघर्घपूर्ण जित निकालेको थियो ।
यता श्रीलंकालाई सेमिफाइनल प्रवेश गर्न जितको विकल्प छैन । श्रीलंका पहिलो खेलमा भुटानसँग ४-० गोलले पराजित भएको थियो । हाल नेपाल र भुटानको सामना तीन/तीन अंक रहेको छ । दुई खेल खेलिसकेको भुटान शीर्ष स्थानमा रहेको छ भने अंकविहीन श्रीलंका पुछारमा रहेको छ ।
प्रतिक्रिया