११ वर्षीया बालिकालाई करणी गरेको अभियोगमा एक जना पक्राउ

भक्तपुर। ११ वर्षीया बालिकालाई जबरजस्ती करणी गरेको अभियोगमा प्रहरीले एक जनालाई पक्राउ गरेको छ।

पक्राउ पर्नेमा हाल भक्तपुरको गठ्ठाघर बस्ने सुनसरीको धरान उपमहानगरपालिका-४ घर भएका ३८ वर्षीय भीमबहादुर राई रहेका छन्।

राईले ती बालिकालाई जबरजस्ती करणी गरेको भन्दै प्रहरीमा उजुरी परेको थियो। उक्त उजुरीका आधारमा प्रहरी वृत्त ठिमीबाट खटिएको प्रहरी टोलीले उनलाई सोमबार राति नियन्त्रणमा लिएको हो।

राईमाथि थप अनुसन्धान भइरहको प्रहरीले जनाएको छ।