सियोल, ११ असार । पूर्वी दक्षिण कोरियामा तरल पेट्रोलियम ग्यास (एलपिजी) बोकेको ट्याङ्करसँग माछा मार्ने डुङ्गा ठोक्किएर भएको दुर्घटनामा परेका पिडित छ जना माझीलाई उद्धार गरिएको र अन्य दुई जना पिडित बेपत्ता भएको योन्हाप समाचार एजेन्सीले बिहीबार जनाएको छ ।
स्थानीय समय अनुसार बिहान करिब १०ः१० मा ९९२–टन एलपिजी वाहक ट्याङ्करसँगको ठक्कर पछि दक्षिणपूर्वी पोर्ट शहर बुसानबाट आएको ७९–टन ट्रलर पल्टिएको जनाइएको छ ।
ठक्कर पछि डुबेको माछा मार्ने डुङ्गामा रहेका आठ जना चालक दलका सदस्यहरु मध्ये छ जनालाई उद्धार गरिएको छ भने अन्य दुई जना बेपत्ता भएको जनाइएको छ ।
दक्षिण कोरियाका तटरक्षकहरुले बेपत्ता माझीहरूको खोजी तथा उद्धार अभियान जारी राखेको बताएका छन् । रासस
प्रतिक्रिया