काठमाडौं । ‘राष्ट्र, राष्ट्रियता, धर्म, संस्कृति र नागरिक बचाउ महाअभियान’का संयोजक तथा मेडिकल व्यवसायी दुर्गा प्रसाईँलाई त्रिभुवन अन्तर्राष्ट्रिय विमानस्थलमा पत्रकार सम्मेलन गर्न सुरक्षाकर्मीले रोकेका छन्।
आइतबार गृहजिल्ला झापाबाट काठमाडौं फर्किएका प्रसाईँले विमानस्थलमै समसामयिक राजनीतिक घटनाक्रमबारे धारणा सार्वजनिक गर्ने उद्देश्यले पत्रकार सम्मेलन आयोजना गर्ने तयारी गरेका थिए।
तर सुरक्षाकर्मीले उनलाई विमानस्थलमा पत्रकार सम्मेलन गर्न नदिई सिधै उनको भक्तपुरस्थित कमेराेटार निवासमा पुर्याएको प्रसाईँनिकट स्रोतले जनाएको छ।
विमानस्थलमा पत्रकार सम्मेलन गर्न नपाएपछि प्रसाईँले आइतबार दिउँसो ३ बजे आफ्नै बालकोटस्थित निवासमा पत्रकार सम्मेलन आयोजना गरेका छन्।
प्रतिक्रिया