काठमाडौं । चिनियाँ कम्युनिस्ट पार्टी (सीपीसी) को औपचारिक निमन्त्रणामा चीन भ्रमणमा जान लागेको राष्ट्रिय स्वतन्त्र पार्टी (रास्वपा) को उच्चस्तरीय प्रतिनिधिमण्डलले पार्टी सभापति रवि लामिछानेसँग छलफल गरेको छ।
रास्वपाका महामन्त्री विपिनकुमार आचार्यको नेतृत्वमा पार्टीको प्रतिनिधिमण्डल आगामी २०८३ कात्तिक २९ गतेदेखि चीन भ्रमणमा जाने कार्यक्रम रहेको छ।
भ्रमणको तयारी तथा आपसी सल्लाहका लागि प्रतिनिधिमण्डलले आज सभापति लामिछानेको निवासमा उनीसँग छलफल गरेको हो।
चिनियाँ कम्युनिस्ट पार्टीको निमन्त्रणामा हुन लागेको यस भ्रमणलाई दुई पार्टीबीचको आपसी सम्बन्ध, अनुभव आदानप्रदान तथा सहकार्यका विषयमा संवाद गर्ने अवसरका रूपमा हेरिएको छ।
प्रतिक्रिया