दशैँको मुखमा नागढुङ्गा–पिपलामोड सडकखण्डमा सवारी साधन चल्न दिइएन, यस्तो छ कारण

असोज १६, काठमाण्डौ । दशैँ नजिकिदै गर्दा त्रिभुवन राजपथअन्तर्गत नागढुङ्गा–पिपलामोड सडकखण्डमा सवारीसाधन आवागमन रोकिने भएको छ ।

चाडबाडको समयमा सडक मर्मत तथा सुधार गर्नुपर्ने भएकाले डिभिजन सडक कार्यालय काठमाडौँले बेलुका ८ बजेदेखि बिहान ५ बजेसम्मका लागि सवारीसाधन आवागमनमा रोक लगाएको हो ।

सवारी साधन चल्न नपाउनेभएपछि चाडपर्वका लागि उक्त बाटो भएर उपत्यकाबाहिर जाने यात्रुले सास्ती पाउने भएका छन् ।

आजदेखि असोज २२ गतेसम्म सवारीसाधन सञ्चालनमा रोक लगाएर सडक मर्मत गर्न लागिएको हो ।