काठमाडौं, १६ पुस । इंग्लिस प्रिमियर लिग फुटबलमा म्यानचेस्टर युनाईटेडले बर्नलीमाथि जित निकालेको छ ।
बिहीबार राति भएको खेलमा युनाईटेडले बर्नलीलाई ३–१ गोल अन्तरले पराजित गरेको हो ।
घरेलु मैदानमा भएको खेलको आठौं मिनेटमा गोल गर्दै स्कट म्याकटोमीनेले युनाईटेडलाई सुरुआती अग्रता दिलाएका थिए ।
खेलको २७औं मिनेटमा बी मिले आत्मघाती गोल गरेपछि युनाईटेडको अग्रता दोब्बर बन्यो ।
साथै, क्रिस्टियानो रोनाल्डोले ३५औं मिनेटमा गोल गर्दै टोलीको अग्रता तेब्बर बनाए ।
खेलको ३८औं मिनेटमा बर्नलीका लेननोनले एक गोल फर्काउदै खेललाई ३–१ को अवस्थामा ल्याए ।
युनाईटेडले १८ खेलमा ३१ अंक जोड्दै लिगको छैटौं स्थानमा उक्लिएको छ ।
साथै, ११ अंक जोडेको बर्नली १८औं स्थानमा रहेको छ ।
प्रतिक्रिया