‘फुर्सदिला गृहमन्त्री संसदीय समितिमा आउँदैनन्, हिरासतमा राखेको मान्छे छुटाउन पुग्छन्’

काठमाडौं,१९ पुस । नेकपा एमालेका नेता तथा प्रतिनिधि सभा सदस्य सूर्य थापाले उपप्रधान तथा गृहमन्त्री नारायणकाजी श्रेष्ठको चर्को आलोचना गरेका छन् ।

बिहीबार प्रतिनिधि सभा अन्तर्गतको कानून न्याय तथा मानव अधिकार समितिको बैठकमा बोल्दै सांसद थापाले गृहमन्त्री श्रेष्ठले समितिको बैठकलाई महत्व नदिएको भन्दै आक्रोश व्यक्त गरेका हुन् । उनले गृहमन्त्री श्रेष्ठ बरु हिरासतमा रहेका मान्छे छुटाउन जाते तर,बैठकमा नआउने भन्दै कटाक्ष गरेका छन् ।

‘गृहमन्त्री फुर्सदिलो देख्छु। संसदीय समितिमा समय नदिने, तर हिरासतमा प्रहरीले राखेको मान्छे छुटाउन चाहिँ सक्ने ?’, उनले भने,‘कहाँ हो मन्त्रीहरूसँग हामीले सवाल जवाफ गर्ने ठाउँ ?’। file photo