गोकुल बाँस्कोटाको दाबी : अब एमाले र माधव नेपाललाई सँगै हिडाउँन सकिँदैन्

काठमाडौं, ५ साउन । नेकपा (एमाले) का प्रभावशाली युवा नेता तथा पूर्वमन्त्री गोकुल प्रसाद बाँस्कोटाले अब माधव नेपाल र एमालेलाई सँगै हिँडाउन नसकिने दाबी गरेका छन् । पछिल्लो समय पार्टीभित्र बढ्दै गएको विवादका कारण उनले यस्तो आँकलन गरेका हुन् । नेपाल पक्षधर २२ जना सांसदले पार्टीको निर्देशनविपरित प्रधानमन्त्री शेरबहादुर देउवालाई संसद्मा विश्वासको मत दिएका थिए ।

अहिले नेपाल पक्षलाई पार्टीले २४ घण्टे स्पष्टीकरणसमेत सोधेको छ । जुन आज साँझ सकिँदैछ । यही सन्दर्भमा बाँस्कोटाले सामाजिक सञ्जालमार्फत यस्तो टिप्पणी गरेका हुन् । उनले लेखेका छन्-“अब एमाले र माधब नेपाललाई न त संगै हिडाउन सकिन्छ न त जिताउन नै।माधब जित्दा एमाले नै हार्छ तर एमाले जित्दा माधब मात्र हार्छन।तसर्थ देशभरका एमालेजनले बिना अलमल ब्यक्ति वा पार्टी मध्ये एक रोज्न पर्छ।अर्को विकल्प छैन।शुभरात्री !!!”