काठमाडौं, २९ जेठ । भिजिट भिसा प्रकरणमा विपक्षीहरुको मागबमोजिम छानबिन समिति बन्ने भएको छ । यसको लागि नेपाली कांग्रेस तयार भएको हो । माओवादी केन्द्रका अध्यक्ष पुष्पकमल दाहालले लिएको इनिसिएशनले सार्थकता पाएको छ ।
दाहालले नेपाली कांग्रेसका नेताहरुसँग लगातार छलफल गरेका थिए । विपक्षीहरुबीच साझा धारणा लिएर दाहाल आँफै कांग्रेस नेताहरुसँग छलफलमा बसेका थिए । जसअनुसार कांग्रेस विपक्षीहरुले भनेबमोजिम यस प्रकरणमा छानबिन समिति बनाउन तयार भएको हो ।
कांग्रेस नै तयार भएपछि एमालेपनि यसमा सहमत भएको बताईन्छ । सहमतिको मस्यौदा लिएर कांग्रेस प्रमुख सचेतक श्याम घिमिरे पार्टी सभापति शेरबहादुर देउवालाई भेट्न निस्किएका छन् ।
यता विपक्षी दलका नेता प्रचण्ड भने रास्वपाका नेताहरुसँग पूनः छलफलमा बसेका छन् । रास्वपा भने आफूले अघि सारेको यसअघिको पाँच बुँदे धारणामा अडिग रहेको बताईन्छ । तर, दाहालले सदनको अवरोध खुलाउने विषयमा लचकता अपनाउनुपर्ने र कांग्रेससँगको दूरी घटाएर जानुपर्ने मत राखेका छन् ।
प्रतिक्रिया