आईपीएलमा आज दुई वटा खेल हुँदै

काठमाडौं, वैशाख ६ । इन्डियन प्रिमियर लिग (आईपीएल) क्रिकेटमा सनराइजर्स हैदरावादले चेन्नई सुपर किंग्सलाई १० रनले पराजित गरेको छ । शनिबार भएको खेलमा हैदरावादले दिएको १ सय ९५ रनको लक्ष्य पछ्याएको चेन्नईले २० ओभरमा ८ विकेट गुमाउँदै १ सय ८४ रन मात्र बनाएको हो । पहिले ब्याटिङ गरेको हैदरावादले २० ओभरमा ९ विकेट गुमाउँदै १ सय ९४ रन बनाएको थियो । जितसँगै हैदराबाद १३ अंकसहित तालिकाको शीर्ष चारमा उक्लिएको छ ।

त्यस्तै, शनिबारै भएको अर्को खेलमा दिल्ली क्यापिटल्सले रोयल च्यालेन्जर्स बैंलोर आरसीबीलाई ६ विकेटले पराजित गरेको छ । दिल्लीले एक बल बाँकी रहँदै १ सय ७६ रनको लक्ष्य पूरा गरेको हो । जितसँगै दिल्ली तालिकाको छैठौं स्थानमा छ ।

आईपीएल क्रिकेटमा आज दुई वटा खेल हुँदैछन् । आज पहिलो खेल कोलकताको इडेन गार्डेन मैदानमा दिउँसो पौने ४ बजेदेखि कोलकता नाइट राइर्डस् र राजस्थान रोयल्स्बीच प्रतिस्पर्धा हुँदैछ । त्यस्तै, राति पौने ८ बजेदेखि चण्डीगढमा पञ्जाब किङ्सले लखनउ सुपर जायन्टबीच खेल हुँदै छ।