देउवा समूहकाे बैठक बस्दै

काठमाडौँ । नेपाली कांग्रेसका पूर्वसभापति शेरबहादुर देउवा समूहले बैठक बोलाएको छ। आज(शुक्रबार) अपराह्न ४ बजे समूहको सम्पर्क कार्यालय चुनदेवीमा बैठक बस्न लागेको हो ।

समूहले पार्टीको वर्तमान अवस्थालाई चिर्दै नयाँ कार्यदिशा तय गर्न भन्दै साउन २९ गतेदेखि राष्ट्रिय भेला गर्ने घोषणा गरेको छ। उक्त भेलाको तयारी गर्न समूहका शीर्ष तहका नेताहरूको बैठक बस्न लागेको नेता मीन विश्वकर्माले जानकारी दिए ।
।

बैठकमा निवर्तमान कार्यवाहक सभापति पूर्णबहादुर खड्का, नेता डा. शेखर कोइराला, पूर्वउपसभापतिद्वय विमलेन्द्र निधि र विजयकुमार गच्छदार, पूर्वमहामन्त्रीत्रय डा। शशांक कोइराला, कृष्णप्रसाद सिटौला र प्रकाशमान सिंह, नेताहरू डा। प्रकाशशरण महत, एनपी साउद, मीन विश्वकर्मा रमेश लेखक लगायत सहभागी हुनेछन्।