काठमाडौं । प्रतिनिधिसभाबाट चार अध्यादेश स्वीकृत भएको छ । शुक्रबार (असार ५) बसेको प्रतिनिधिसभा बैठकबाट सार्वजनिक खरिद (दोस्रो संशोधन) अध्यादेश, सम्पत्ति शुद्धीकरण (मनि लाउन्डरिङ) अध्यादेश, सहकारी (पहिलो संशोधन) अध्यादेश र स्वास्थ्य विज्ञान प्रतिष्ठानसम्बन्धी केही नेपाल ऐनलाई संशोधन गर्ने अध्यादेश स्वीकृत गरिएको हो ।
यी अध्यादेश अस्वीकार गरियोस् भन्ने प्रस्ताव अस्वीकृत भए । सम्बन्धित मन्त्रीले जवाफ दिएपछि सभामुख डोलप्रसाद (डीपी) अर्यालले अध्यादेश निणयार्थ प्रस्तुत गरेका थिए ।
सरकारले संघीय संसद्को चालू अधिवेशन सुरु हुनु अगाडि ८ वटा अध्यादेश ल्याएको थियो ।
ती अध्यादेशहरू अधिवेशन सुरु भएकै दिन गत २८ वैशाखमा प्रतिनिधिसभा र राष्ट्रिय सभामा पेश भएका थिए । यसमध्ये ४ वटा अध्यादेश शुक्रबार प्रतिनिधिसभाले स्वीकृत गरेको हो ।
प्रतिक्रिया