ओली चार दिन झापामै रहने, १३ वटा स्थानिय तहका कार्यक्रममा सहभागी हुने

काठमाडौं, कात्तिक ११ । नेकपा (एमाले) अध्यक्ष केपी शर्मा ओली चार दिनका लागि आज गृहनगर झापा जाँदै छन् । ​आगामी ४ मंसिरको निर्वाचन लक्षित तयारीका लागि अध्यक्ष ओली झापा जान लागेका हुन । जहाँ उनले जिल्लाका १३ वटा स्थानिय तहमा हुने विभिन्न कार्यक्रमहरुमा सहभागिता जनाउने छन् ।

अध्यक्ष ओली आजै काठमाडौंबाट झापा पुगेर दमकमा आयोजना हुने दुईवटा कार्यक्रममा सहभागीता जनाउँदैछन्। अध्यक्ष ओलीले आजै क्याम्पस मोडमा दमक स्थित पशुपति मन्दिरमा मतदाताहरुसँग अन्तरक्रियामा सहभागी हुँदैछन् ।