राष्ट्रिय मानवअधिकार आयोगद्वारा नेपालीको आत्मदाहको अध्ययन शुरु

काठमाडौँ । आत्मदाहको प्रयासपछि वीर अस्पतालमा उपचाररत गणेश नेपालीको मृत्यु भएको छ। नेपालीको मृत्यु भएलगत्तै राष्ट्रिय मानवअधिकार आयोगकी एक प्रतिनिधि वस्तुस्थिति बुझ्न वीर अस्पताल पुगेकी छन्।

अस्पताल परिसरमा पत्रकारसँग संक्षिप्त कुराकानी गर्दै आयोगकी प्रतिनिधिले घटनाप्रति गहिरो दुःख व्यक्त गरिन्। उनले मृतकका आफन्तलाई सान्त्वना दिँदै अहिलेको संवेदनशील घडीमा सबै पक्षले संयम अपनाउनुपर्नेमा जोड दिइन्।

‘यो अत्यन्तै दुःखद घटना हो। अबको अवस्थालाई सम्हाल्न र पीडित परिवारलाई न्याय दिलाउन हामी सबै शान्तिपूर्ण ढंगले अगाडि बढ्नुपर्छ,’ उनले भनिन्। आयोगले घटनाको पृष्ठभूमि र कारणबारे आफ्नो तर्फबाट अध्ययन गरिरहेको समेत उनले जानकारी दिइन्।