एन्फा महिला लिग आजबाट

काठमाडौं, चैत ४ । सहिद स्मारक एन्फा महिला लिग २०२६ आजबाट शुरू हुँदैछ । नौ वटा टोलीको सहभागिता रहने लिगमा आज उद्धाटन खेलमा न्युरोड टिम र संकटा एफसीबीच प्रतिस्पर्धा हुँदैछ । च्यासल स्टेडियममा हुने दोस्रो खेलमा विभागीय टोली त्रिभुवन आर्मी फूटबल क्लब र झापा एफसी भिड्दैछन् ।

लिगमा तीन विभागीय टोली नेपाल एपीएफ क्लब, त्रिभुवन आर्मी फूटबल क्लब र नेपाल पुलिस क्लबसहित न्युरोड टिम, बागमती युथ क्लब, चर्च ब्वाइज युनाइटेड, आरएस पोखरा, झापा फूटबल क्लब र संकटा एफसी प्रतिस्पर्धा गर्नेछन् । जेठ ४ गतेसम्म चल्ने लिगका खेलहरु दशरथ रंगशाला, एन्फा कम्प्लेक्स र च्यासल स्टेडियममा हुनेछन् ।